वि.सं:
नेपाल संवत: ११४४ ञलाथ्व पञ्चमी - ५
१. कम्पनीको वार्षिक अनुमानित आयबाट बजेट तथा कार्यक्रम संचालन गरिने छ ।नेपाल सरकार एंव अन्य निकायहरुबाट आवास कार्यक्रम संचालन गर्न जग्गा तथा कार्यक्रम अनुदान प्राप्त भएमा सोहि बमोजिम थप कार्यक्रमहरु संचालन गर्ने व्यवस्था गरिने छ ।
२. कम्पनीले प्राप्त गर्ने आय रकमबाट खर्च कटाई हुने खुद आम्दानीमा लाग्ने आयकर आन्तरिक राजश्व कार्यालयमा दाखिला गरिनेछ र नियमानुसार शेयरधनी (नेपाल सरकार) लाई लाभांश वितरण गर्ने व्यवस्था मिलाईने छ ।
३. कम्पनीको उद्देश्य र स्वीकृत दीर्घकालिन व्यावसायिक कार्य योजनालाई समेत आधारमानी निम्न नीतिहरु अवलम्वन गरिने छः-
(क) कम्पनीको उद्देश्य र दीर्घकालिन व्यवसायिक कार्य योजनामा उल्लेख भए बमोजिम सम्भाव्यता अध्ययन गरी उपयुक्त स्थानहरुमा आवास कार्यक्रम संचालन गर्न नेपाल सरकार वा अन्य निकायबाट जग्गा एंव अनुदान प्राप्त गर्ने लक्ष्य राखिएको छ ।
(ख) कम्पनी अन्तर्गतका योजना कार्यालयहरु अन्तर्गत संचालित आवास तथा बजार क्षेत्रमा घडेरीहरु बिक्री गर्ने र फुटकर जग्गाहरु व्यवस्थापन गर्ने कार्य प्राथमिकताका साथ अघि बढाइनेछ ।
(ग) कम्पनीको लेखाविधि निर्देशिका, २०79 ले तोके बमोजिमका शिर्षकहरुमा प्रशासनिक खर्च, पुँजीगत सम्पत्ति खर्च र विकास खर्चहरुको वर्गिकरण तथा लेखाकंन गरी वित्तिय विवरणहरु तयार गरिने छ ।
(घ) संस्थागत विकासको लागि कर्मचारीहरुको क्षमता अभिवृद्धि गर्न तालिम संचालन गरिनेछ ।
(ङ) कम्पनीको उद्देश्य र दीर्घकालिन व्यावसायिक कार्य योजनाले मार्गदर्शन गरेका आधारमा कम्पनी कार्यक्रमलाई निम्न मुख्य शिर्षकहरुमा वर्गिकरण गरी कार्यन्वयन गरिने छः-
(१) जग्गा खरिद र जग्गा प्रशासन,
(२) जग्गा तथा पूर्वाधार विकास कार्यक्रम,
(३) आवास विकास कार्यक्रम,
(४) व्यवसाय प्रबर्द्धन,
(५) संस्थागत विकास,
(६) अन्य कार्यक्रम ।
4. कम्पनीबाट संचालित आवास तथा बजार क्षेत्रहरुमा पूर्वाधार एंव विकास निर्माणको खर्च गर्दा समग्रमा घडेरी बिक्रीबाट प्राप्त हुने कुल आयको २५ (पच्चिस) प्रतिशतको सीमा भित्र रही स्विकृत कार्यक्रम अनुसार खर्च गरिनेछ । फुटकर जग्गा बिक्रीबाट प्राप्त कुल आयको २०(बिस) प्रतिशत मात्र स्थानिय माग र आवश्यकता अनुसार कार्यक्रम स्वीकृत पूर्वाधार विकासमा खर्च गरिनेछ ।
5. केन्द्रीय कार्यालय र अन्तर्गतका योजना कार्यालयहरुको वार्षिक आय र वार्षिक कार्यक्रमलाई त्रैमासिक रुपमा बाडफाँड गरी लक्ष्य प्राप्तिमा अधिकतम प्रयास गरिने छ । सूचकाङ्कसहित त्रैमासिक प्रगतिको अनुगमन एंव नियमित समीक्षा गर्ने आवश्यक व्यवस्था मिलाईने छ ।
6. वार्षिक आयको लक्ष्य अनुसार घडेरी बिक्री, फुटकर जग्गा बिक्री र अन्य आम्दानी गर्दा आर्थिक विनियमावली, २०७३ फुटकर जग्गा बिक्री वितरणसम्बन्धी विनियमावली, २०६९,नेपाल सरकार(मन्त्री परिषद्) को निर्णय, संचालक समितिको निर्णय तथा अन्य प्रचलित कानुन बमोजिम आम्दानी गरिने छ ।
7. विनियोजन गरिएको प्रशासनिकखर्च, पुँजीगत सम्पत्ति खर्च र विकास खर्च अन्तर्गत खर्च गर्दा सार्वजनिक खरिद ऐन, २०६३, सार्वजनिक खरिद नियमावली, २०६४, कम्पनीको आर्थिक विनियमावली, २०७३, कर्मचारी सेवा शर्त विनियमावली, २०४९, फुटकर जग्गा बिक्री वितरणसम्बन्धी विनियमावली, २०६९ र लेखाविधि निर्देशिका२०79एवं अन्य प्रचलित कानुन बमोजिम खर्च गरिने छ ।
8. कार्यक्रम कार्यान्वयन गर्दा एवं खर्च गर्दा वित्तिय अनुशासन कायम गरिनेछ । पुराना पेश्की/ असुल गर्नुपर्ने बेरुजु र नियमित गर्नु पर्ने बेरुजुलाई असुल/नियमित गरी बेरुजु फर्छ्रौट गरिनेछ ।